ahousekeeper ([info]ahousekeeper) wrote,
@ 2007-10-24 19:25:00
Previous Entry  Add to memories!  Tell a Friend!  Next Entry
Entry tags:lj, զլմ, համացանց, հայերեն

Բաժակ նայեմ...
Երբ ավելացնում էի [info]arzuni օրագիրը Հայերի կենդանի մատյանների ցուցակում, ուշադրություն դարձրեցի իր մի գրառման վրա, ուր նա փորձում է կանխագուշակել, թե երբ են հայերեն բլոգերը տպաքանակով գերազանցելու ավանդական մամուլին... Ի՞նչ եք կարծում, երբ Հայաստանում համացանցի ազդեցությունը կհավասարվի գոնե թերթերի ազդեցությանը։


(Post a new comment)


[info]arzuni
2007-10-24 03:13 pm UTC (link)
Շնորհակալ եմ: Վստահ եմ, 4-5.000 տպաքանակը մոտ ապագայի խնդիր է: gianluigi-ի հետ գրազ ենք եկել, կարող եք միանալ:Ճ

(Reply to this)(Thread)

[info]ahousekeeper
2007-10-24 03:41 pm UTC (link)
Շատ հազվագյուտ եմ գրազ գալիս :)
Բայց հետաքրքրությամբ կհետեւեմ ձեր գրազի ընթացքին։

(Reply to this)(Parent)(Thread)

[info]arzuni
2007-10-24 08:05 pm UTC (link)
Մեր գրազը լուրջ գրազ չի, գարեջուր խմելու առիթ է ուղղակի

(Reply to this)(Parent)(Thread)

[info]ahousekeeper
2007-10-25 12:00 am UTC (link)
Մի անգամ շատ վաղուց նման բան ասացի փորձված մի մարդու։ Ասաց. «Գարեջո՞ւր ես ուզում. կհյուրասիրեմ, խնդիր չկա։ Բայց գրազ միեւնույն է չեմ գա» ;)

(Reply to this)(Parent)

[info]517design
2007-10-24 03:57 pm UTC (link)
Իմ կարծիքով քանակը կարդացողների չափազանց ավելի կարևոր դեր է խաղում, քան գրողների: Այսօր նեգատիվ կողմն այն է, որ լուսավորվող յուրաքանչյուր նյութ կարդացվում է հենց հայկական հասարակության մեջ, ինչը ցածրացնում է լուսաբանման պրոպոգանդայի էֆֆեկտիվությունը: Եթե դա նյութ է ուղղված ներքին կարդացողի համար, ապա գրոծընթցը կարելի է համար հաջող: Բայց եթե կարդացողը պետք է լինի դրսից, կոպիտ ասած, էտ դեպքում պետք է հաշվել կարդացողների քանակի, ի դեպ ռեալ կարդացողների քանակը, մարդկանց ովքեր ոչ թե արագ անցնում են френд-лента-յով, այլ իրոք կարդում են:

Թեկանծուականի թեմա է` նպատակային հասարակություններ. ժամանակից ագիտացիայի խնդիրները: :)

(Reply to this)(Thread)

[info]ahousekeeper
2007-10-24 03:59 pm UTC (link)
Ես ինչպես հասկանում եմ, Արզունին ի նկատի ուներ ներհայկական լսարանը։

(Reply to this)(Parent)

[info]ditord
2007-10-24 06:52 pm UTC (link)
Բլոգերը երբևէ չեն կարողնալու մրցակցել ավանդական մամուլի հետ, ավելին՝ դրա անհրաժեշտությունը չկա էլ։ Դրանք բոլորովին այլ կատեգորիայի երևույթներ են և ուղղված տրամագծորեն հակառակ նպատակների։ Ավանդական մամուլի խնդիրն է՝ հետապնդել շահույթ և հաղորդել օբյեկտիվ լրատվություն /շահույթ հետապնդող, բայց ոչ օբյեկտիվ լրատվություն հաղորդող մամուլը կոչվում է՝ կուսակցական թռուցիկ, ինպիսին է օրինակ «Հայկական Ժամանակը»/։ Բլոգերի խնդիրն է՝ մարդուն տալ ինքնաարտահայտման հնարավորություն, ըստ այդմ, նա ինքնին սուբյեկտիվ ներհայեցողության արդյունք լինելով, պետք է կրի սուբյեկտիվ։

Այն մարդիկ, ովքեր բլոգային ինտերֆեյսով փորձում են գրել օբյեկտիվ նյութեր, չեն կարող բլոգեր կոչվել։ Նրանց լսարանն էլ ուրիշ է։ Խոսքը Օննիկ Կրիկորյանի և օրինակ իմ բլոգերի մասին է՝ սրանք չի կարելի բլոգ համարել, ըստ այդմ, մեզ կարդացող լսարանն էլ, որը սովորական հայկական բլոգերի կարդացողների թվին գերազանցում է՝ Օնիկի մոտ գործ ունենք օրեկան 400-450 ընթերցողի հետ, իմ դեպքում թիվը առնվազն 150 է, իսկ իրադարձային լուրերի օրերին հասնում է 300-ի։ Սակայն մենք գործում ենք ավելի շուտ որպես լրատվամիջոց, այլ ոչ թե բլոգ, և կարդացողների թվի համեմատությունը տեղին համարել չի կարելի։ /Վերջին մի քանի ամիսներին ես փորձում եմ ավելի սուբյեկտիվ լինել և բլոգը ավելի բլոգային դարձնել/։

Ինչ վերաբերում է քո հարցին, թե ե՞րբ Հայաստանում համացանցի ազդեցությունը կհավասարվի գոնե թերթերի ազդեցությանը, եթե վերաձևակերպենք այսպես՝ Հայաստանում համացանցի ազդեցությունը երբևէ կհավասարվի՞ ՏՊԱԳԻՐ թերթերի ազդեցությանը, ապա պետք է փաստեմ, որ այն արդեն հավասարվել է։ Ա1+-ի կայքը և Պանարմենիանը /որոնք ոչ այլ ինչ են, քան ավանդական մամուլի ինտերնետային տարբերակ/ այս պահին իրենց ունեցած ազդեցությամբ ոչ միայն չեն զիջում տպագիր լրատվամիջոցներին, այլև շատ առումներով առավել են։

(Reply to this)

[info]arzuni
2007-10-24 08:04 pm UTC (link)
Համաձայն եմ, բլոգներն իրոք սուբյեկտիվ լրատվամիջոցներ են, սակայն նրանց հմայքը քանակի մեջ է: Եթե տեսականորեն ընդունենք, որ հինգ տարի հետո հայկական բլոգների թիվը մի քանի /գուցե նաեւ տասնյակ/ հազար կլինի, ապա դրանք որպես ամբողջություն կներկայացնեն հայ հասարակության դիրքորոշումների տեսականորեն հնարավոր ամբողջ ներկապնակը՝ հետեւաբար կլինեն ԱՄԵՆԱՕԲՅԵԿՏԻՎ լրատվության աղբյուրը: Ինչ վերաբերում է Պանարմենիանին եւ Ա1+-ին, ապա հենց սկզբից պետք է տարանջատել դրանց: Պանարմենիանը մեծամասնաբար լրահոս է, Ա1+-ը ձեր նշած կուսակցական թռուցիկի տարբերակներից, երկուսն էլ կարեւոր բաներ են, բայց այն չէ ինչի մասին ես խոսում եմ:

Եւ հետո մեկ կամ երկու ինտերնետ ռեսուրսի ընթերցողների քանակը դեռ հասարակական կարծիքի ձեւավերում չէ: Ի վերջո հայկական տպագիր մամուլի գումարային տպաքանակը մոտ քսան հազար է: Այ երբ հազարից ավելի բլոգ կունենան 5.000 մշտական ընթերցող, այդ դեպքում կլինեն ուրիշ ժամանակներ, ուրիշ հասարակություն, ուրիշ երկիր...

(Reply to this)(Thread)

[info]ditord
2007-10-24 10:26 pm UTC (link)
էդ էլ կա :)

Կարծում եմ՝ մենք պարզապես իրար լեզու չենք հասկանում։ Բանն այն է, որ լրատվությունը ապրանք է՝ այն կարելի է և պետք է ծախել։ Լրատվությունը նաև կենսականորեն անհրաժեշտ ապրանք է՝ մեր օրերում, լրատվությունից կախված է մարդու լիարժեք կենսագործունեությունը։ Առանց լրատվության ժամանակակից մարդը չի կարող գոյատևել, ինչպես առանց հաց ու ջրի։ Հետևաբար, մարդը պատրաստ է գնալ որոշակի զոհողությունների՝ լրատվություն ձեռք բերելու համար, ասենք 100 դրամով առնել թերթ՝ հաց գնելու փոխարեն։ Իդեալական պայմաններում դա շռայլություն չի համարվի, այլ հստակ կշռադատված քայլ։ Ի հակադրություն ասվածի՝ հայկական շատ թերթեր վերջերս գործում են բլոգի պես։ Այն ինչ նրանք տպագրում են այլևս դադարել է կենսականորեն անհրաժեշտ ապրանք լինելուց։ Նրանք պարունակում են հիմնականում պրոպագանդա, այսինքն տեղեկատվություն, որն ուղղված է հասարակական կարծիք ձևավորելուն և ծառայում է պետական կառավարման լծակներ ձեռք բերելուն, պահպանելուն և/կամ խթանելուն։ Այդ իսկ պատճառով մարդիկ խուսափում են թերթեր գնելուց՝ նրանք այլևս լրատվություն կոչված կենսականորեն անհրաժեշտ ապրանքը չեն պարունակում։ Սա հայկական թերթերի մեծ պրոբլեմն է, որը սակայն մեր թեմային ուղղակիորեն չի անդրադառնում, այնպես որ շատ չխորանանք։

Այն տեղեկատվությունը /այս բառը ես տարանջատում եմ լրատվությունից, որպես առանձին երևույթ/, որը որը վաճառքի ապրանք չի հանդիսանում, անկախ նրա ըստ էության արժեքի /ասենք, Վիկիպեդիան, կամ հենց թեկուզ Արմենիահաուզը, որը իրենից մեծ տեղեկատվական և/կամ պրոպագանդիստական արժեք է ներկայացնում, բայց չի հանդիսանում լրատվական ապրանք /, չի կարող կոչվել լուր, և ոչ էլ այդպիսի տեղեկատվություն ստեղծողը կարող է համարվել լրատվամիջոց։

Բլոգերը շատ լավն են, հետաքրքիր են, երբեմն պարունակում են շատ օգտակար տեղեկատվություններ, բայց լրատվամիջոց չեն։ Մյուս կողմից, այնպիսի կայքերը, որոնք հիմնված են բլոգային ծրագրի վրա /ասենք Ուորդպրեսի կամ Լայվջորնալի/, սակայն գործում են որպես լրատվական ապրանք արտադրողներ, բլոգ չեն, այլ սովորական լրատվամիջոց, որոնք ձևացնում են, թե իրենք բլոգ են։ Այս ամբողջը իհարկե ԻՄՀԿ :)

Հայկական բլոգոսֆերայում կան մի շարք կայքեր, որոնք ներկայանում են որպես բլոգ, սակայն իրականում հանդիսանում են լրատվական կայք։ Այդպիսիններից են Haylog-ը, Հայկական ժամանակի ռուսալեզու «բլոգը», որը բոլորովին էլ բլոգ չէ, և այլն։

Ինչ վերաբերում է ազդեցությանը՝ այո, բլոգերը ունեն պոտենցիալ, ապագայում հասարակական կարծիք ձևավորելու և որպես պրոպագանդիստական գործիք ծառայելու մեծ ներուժ, սակայն նրանց լրատվամիջոցների հետ խառնելը, համեմատելը և հավասարեցնելը ԻՄՀԿ սխալ է։

Իհարկե այս ամբողջը գրվել է գիշերվա ժամը հազարին, կիսաքնած և պատկառելի դոզա կնյակ կոնծած վիճակում, ուստի խնդրում եմ շատ լուրջ չընդունել, մանավանդ որ ես ընդհանրապես շատ լուրջ մարդկանց լուրջ չեմ ընդունում :))))))))

(Reply to this)(Parent)(Thread)

[info]ahousekeeper
2007-10-25 12:33 am UTC (link)
Դիտորդ, ինձ թվում է դու իդեալականացնում ես զանգվածային լրատվության միջոցները (անաչառ լուսաբանման մասին է խոսքը), ինչպես նաեւ Օնիկին ;)

Բլոգի (ֆորումի) հիմնական տարբերությունը ավանդական ԶԼՄ-ից դա ընթերցողներից անմիջապես մեկնաբանություններ ստանալու հնարավորությունն է։ Այսինքն մի բան գրելուց պետք է պատրաստ լինես, որ ամեն անցնող-դարձողը մի բան կասի՝ անպայման չէ, որ տեղին, բայց հաճախ ագրեսիվ։ Մյուս կողմից, ի տարբերություն ԶԼՄ-ից կարող ես տնավարի "պասլատ անել" անկապ դեմքերին :)

Ավանդական ձեւաչափերին սովոր մարդիկ՝ հայտնվելով համացանցում, հաճախ ուղղակի ապուշ են կտրում իրենց համար նոր այս իրականությունից։ Իրենք սովոր են, որ իրենց գրված հոդվածը ԱԶԳ-ում, Գոլոսում, կամ Առավոտում լավագույն դեպքում 5-6 արձագանք կունենա, որից միայն մեկ-երկուսին է, որ արժե պատասխանել։

(Reply to this)(Parent)(Thread)

[info]ditord
2007-10-25 04:05 am UTC (link)
Օնիկին նույնիսկ իմ իդեալականացնելը չի փրկի. հուսահատեցնելու աստիճան լուրջ մարդ է ;)

(Reply to this)(Parent)

Create an Account
Forgot your login?
Login w/ OpenID
English • Español • Deutsch • Русский…