![[info]](http://l-stat.livejournal.com/img/userinfo.gif?v=92.1){kind=small}
Անցած շաբաթ ներկա էի նախկին մի դիվանագետի հետ հանդիպման։ Հանդիպումը բավականին նեղ շրջանակով էր, կազմակերպիչներն էլ խնդրեցին իրենց հաստատության անունը չհիշատակել, այդ պատճառով ավելին բացահայտել չեմ կարող։
Ինչեւէ, դիվանագետը մի հետաքրքիր դրվագ պատմեց։ 90-ականների կեսերին տեղի են ունեցել հայ-թուրքական գաղտնի բանակցություններ։ Այս հանդիպումներից մեկի ժամանակ (1996, Բուխարեստ), հայկական կողմը հետեւյալ հարցադրումն է արել. «Եթե մենք հրաժարվենք ցեղասպանության ճանաչմանը ուղղված գործողություններից, կբացի արդյո՞ք Թուրքիան սահմանը»
Թուրքերի պատասխանը հետեւյալն էր. «Դուք հիմա թույլ եք եւ պատրաստ եք ցեղասպանության հարցը դնել սառնարան, միայն թե սահմանը բացվի։ Սահմանը բացելուց հետո դուք կուժեղանաք ու նորից այդ հարցը սառնարանից կհանեք»։
Չեմ կարծում, որ այս պատասխանը որեւէ մեկին զարմացրեց։ Հայերի մեծամասնությունը շատ լավ գիտակցում է, որ Թուրքիան Հայքի թշնամին է։ Սակայն այս դրվագը բնութագրում է շատ կարեւոր մեկ այլ բան, այն է՝ Թուրքիան ոչ միայն թշնամաբար է տրամադրված Հայաստանի նկատմամբ, այլ ունի հստակ ու ոչ երկարաժամկետ նպատակ՝ Հայաստանը ոչնչացնել։ Որովհետեւ վերը բերվածի նման թշնամանքի արտահայտումը թույլատրելի է միայն եւ միայն այն ախոյանի նկատմամբ, որին հաստատ մտադրված ես ոչնչացնել մոտակա ժամանակ, ու հարյուր տոկոսով համոզված ես, որ ի վիճակի կլինես դա անել։
Նաեւ մեկ այլ հետաքրքիր հարց է ծագում. ինչո՞ւ են ՀՀՇ-ականները՝ լինելով քաջատեղյակ այս իրավիճակից, այնուամենայնիվ ժողովրդին հեքիաթներ հրամցնում Թուրքիայի հետ հաշտվելու հնարավորության մասին, փորձում հայության մեջ մեղքի բարդույթ առաջացնել, թե իբր հենց մեր՝ հայերիս համառության պատճառով է, որ բարեհոգի թուրքերը մեզ այդքան չեն սիրում։ Նույն հարցը կարելի է ուղղել բազմաթիվ ամերիկյան, բրիտանական ու եւրոպական կազմակերպություններին, որոնք աշխուժորեն զբաղվում են «հաշտեցմամբ»՝ իրականում հայության մեջ ոչնչացնում դիմադրելու կամքը։
March 2 2007, 12:27:45 UTC 5 years ago
March 2 2007, 14:15:35 UTC 5 years ago
1990-1996 թթ. մի գուցե եւ օգուտ կլիներ։ Ներկա իրավիճակում, իմ կարծիքով, վնաս ավելի շատ կլինի։ Պատճառները հետեւյալն են.
ա. թուրքերը փոխարենը զիջումներ կստանան, ընդ որում, միեւնույն է, ցանկացած պատրվակով, կամ էլ առանց պատրվակի կարող են նորից փակել։
բ. կարող են մեծ մաքսային տուրքեր դնել՝ Հայաստանի անդամակցությունը WTO արվել է այն պայմանով, որ հայ-թուրքական առեւտրական հարաբերությունները կարգավորվում են երկկողմանի պայմանագրերով, այլ ոչ թե WTO նորմերով։
գ. բաց սահմանը կհեղեղի հայկական շուկան թուրքական էժան ապրանքով, ինչը եղած ու հազիվ ծայրը ծայրին հասցնող հայկական արտադրողներին ուղղակի կսրբի-կտանի։
դ. թմրադեղերի, հանցագործությունների աճի խնդիր կարող է առաջանալ։
ԱՄՆ-ում տնտեսագետ ընկեր ունեմ, որը անընդհատ մասնակցում է Հայաստանի տնտեսության ու մասնավորապես շրջափակմանը վերաբերվող տարբեր քննարկումներին, գիտաժողովներին։ Իր խոսքերով, դեռ ոչ ոք չի կարողացել հստակ հաշվարկ ներկայացնել սահմանը բացելուց սպասվելիք օգուտի մասին։ Ավելին՝ կարծիք կա, որ սահման բացելը միայն թեթեւակի օգուտ կբերի, այն էլ 20-30 տարուց դա կսկսի զգացվել (էշ մի´ սատկիր, գարուն կգա)։
Բայց իմ գրառման իմաստը տնտեսական հարցը չէր, այլ Թուրքիայի հստակ մտադրությունը Հայաստանը ոչնչացնելու։ Ուրիշ օրինակներ էլ բերեց Թուրքիայի թշնամանքի, ուղղակի չեմ կարող պատմել։
March 2 2007, 14:18:24 UTC 5 years ago
P.P.S. Սահմանների բացման հիմնական կողմնակիցները տրանսպորտային ընկերություններն են, որոնք միայն իրենց շահի խնդրով են մտահոգված։
March 5 2007, 10:52:52 UTC 5 years ago
...
Համամիտ եմ այն մտքի հետ, որ տեղական արտադրողը կարող է բավականաչափ կորուստներ ունենալ, երբ շուկան էլ ավելիլի ողողվի թուրքական զիբիլով: Բայց մեր ժողովրդի մի որոշ հատվածը պարզապես այլ ելք չունի, քան այդ թուրքական զիբիլ գնելը:Սակայն սահմանների փակ լինելը չի խանգարում նրան, որ շուկայում լայն իրացում գտնի նաև իտալական զիբիլը (օրինակ Terranova. Եվ այդ նույն խանութի տերերը խանութներ ունենալով Երևանում իրենց մեկ այլ ապրանքները վաճառում են եռակի բարձր գներով քան, ասենք, նույն Terranova-ի մոսկովյան խանութը: Զարմանալի բան էլ չկա, որ նման թանկ խանութներում առևտուր լինում է: Եվ դա հենց այդ ապացույցն է խավերի բևեռացման). Մի բան էլ կա, երկրներն ունեն ինչպես լավ որակի, այնպես էլ անորակ արտադրանք (զօրօրինակ նույն Թուրքիան):
Գուցե պետությունը մի շարք արտոնություններ սահմանի ներքին արտադրողի համար:
Ինչ վերաբերում է թմրամիջոցներին, ապա կավելանա թմրամիջոցների շրջանառության ծավալների մեծացման վտանգը Հայաստանի ներսում(Հայաստանը նաև կդառնա թմրամիջոցներ տարանցման ևս մեկ երկիր): Սակայն այս դեպքում Վրաստանի կողմից քիմիական թմրամիջոցների, քանզի Վրաստանը չունի ԱԱՀ դեղերի վրա, ինչի հետևանքով թմրամոլները նախընտրում են տարբեր դեղերից սարքովի թմրամիջոցներ:
March 5 2007, 13:50:10 UTC 5 years ago
Re: ...
> Բայց մեր ժողովրդի մի որոշ հատվածը պարզապես այլ> ելք չունի, քան այդ թուրքական զիբիլ գնելը:
Հասկանում եմ, երբեմն ինքս էլ ստիպված եմ թուրքական ապրանք գնել։ Բայց սա չի նշանակում, որ ներկայիս խղճուկ հայկական արտադրողներին էլ պետք է իսպառ վերացնենք։
> Գուցե պետությունը մի շարք արտոնություններ
> սահմանի ներքին արտադրողի համար:
Եթե պետությունը մազի չափ մտածեր ներքին արտադրողի մասին, ապա առաջին հերթին դրամը չէր ուժեղացնի արհեստականորեն։
Ինչ վերաբերվում է թմրադեղերին, ապա դա իմ կարծիքը չէ, դա ՄԱԿ-ի փորձագետների կարծիքն էր, որոնց զեկույցի վրա էլ հղում էի դրել։
March 23 2007, 13:14:27 UTC 5 years ago
March 24 2007, 08:27:24 UTC 5 years ago
Խնդրեմ, մեկ օրինակ։
April 13 2007, 15:33:59 UTC 5 years ago
March 6 2007, 09:45:02 UTC 5 years ago
Կիպրոսի գրավելը մարսեցին: Ու մինչև հիմա էլ 30 տարի պահում են էդ վիճակը ու ոչ միայն ոչ մի տնտեսական կորուստ չունեցան այլ ընդհակառակը իրենք են մինչև հիմա Կիպրոսին շրջափակման մեջ պահում:
March 6 2007, 15:43:54 UTC 5 years ago
March 5 2011, 16:26:29 UTC 1 year ago
March 5 2011, 17:39:06 UTC 1 year ago
March 5 2011, 20:53:41 UTC 1 year ago
March 5 2011, 21:02:41 UTC 1 year ago
March 5 2011, 22:33:57 UTC 1 year ago