ahousekeeper ([info]ahousekeeper) wrote,
@ 2007-06-08 13:35:00
Previous Entry  Add to memories!  Tell a Friend!  Next Entry
Entry tags:ազատագրված տարածք, արկադի ղուկասյան, արցախ, էդիկ բաղդասարյան, թուֆենկյան, քաշաթաղ

ՉԻ ԿԱՐՈՂ ԼԻՆԵԼ ԹԱՔՈՒՆ ՎԵՐԱԲՆԱԿԵՑՈՒՄ
18:31 07/06/2007
«ՉԻ ԿԱՐՈՂ ԼԻՆԵԼ ԹԱՔՈՒՆ ՎԵՐԱԲՆԱԿԵՑՈՒՄ»

«Անհեթեթություն է այսօր խոսել հողերի վերադարձման մասին և ոչ ոք չի ստորագրի նման փաստաթուղթ»,-այսօր «Ուրբաթ» ակումբում ազատագրված տարածքների վերաբերյալ քննարկման ժամանակ նշեց «Հետք» էլեկտրոնային կայքի խմբագիր Էդիկ Բաղդասարյանը: Նրա կարծիքով, «չի կարող լինել թաքուն վերաբնակեցում: Աշխարհը թափանցիկ է, և ի՞նչ է նշանակում այնպես անել, որ մարդիկ չիմանան, վերաբնակեցում է տեղի ունենում: Այդպիսի բան հնարավոր չէ»: Նրա կարծիքով, պետք է հստակ հայտարարել, որ վերաբնակեցնում ենք այդ տարածքները և կոնկրետ նշել, թե որ գյուղերը երբ են բնակեցվելու: Ջրի ու հոսանքի հարցերը նույնպես, ըստ նրա, պետք է լուծվեն այդ համատեքստում:

«Ազատագրված տարածքների նկատմամբ իշխանությունները պետք է ունենան բիզնես ծրագիր և գործարարներին նույնպես ներգրավեն այդ աշխատանքներում»,-համոզված է Է. Բաղդասարյանը: Նրա խոսքով, այսօր այդ ուղղությամբ ամենամեծ գործը անում են սփյուտռքահայերը: «ԼՂՀ նախագահ Ղուկասյանը երևի չգիտի, որ Թուֆենկյանը այնտեղ խաղողի այգիներ է վերականգնում, ՀՕՄ-ը մանկապարտեզ է կառուցում, Մոնթե Մելքոնյանը երիտաարդական կենտրոն է կառուցել»,-ասաց Է. Բաղդասարյանը, նշելով, որ նման եզրահանգման ինքը հանգել է այն պատճառով, որ Ա. Ղուկասյանը շնորհակալական խոսքերի փոխարեն մեղադրանքներ է ներկայացնում Սփյուռքին:

Panorama.am

+

Ղարաբաղի պաշտոնյաներն անգամ Քաշաթաղի տեղը չգիտեն


(Post a new comment)


[info]hjvm18k
2007-06-10 01:40 am UTC (link)
Այո, ամեն մի մանրուքի ճշգրիտ գրանցումը կարեւոր եւ օգտակար է տարածաշրջանի բնակիչների, թե՛ ներկան եւ թե՛ ապագան պլանավորելու գործում։ Օրինակ, պետք է գրանցվի Մաքրոֆինանսավրոման ծրագրերի մասին. կան այդպիսի ծրագրեր, թե՞ ոչ։ Եթե չկան, եւ ցավոք, կարող եմ ասել որ չկան, քանզի եթե լինեին, ապա նման խնդիրների մասին չէինք էլ խոսի, ապա ինչու՞ չկան։ Հարց կարող է գրանցվել, արդյո՞ք տարածաշրջանի անկայունության պատճան է, որ արգելք է հանդիսանում նման վարկերի տրամադրման գործում (ժամացույցի սլացքին համաձայն հերթականությամբ կարելի է նշել հետեւյալ մեծ եւ դեռ չլուծված խնդիրները. Վրաց–Օսետական, Արդբեջանի եւ Հայաստանի հանրապետությունների, Իրանի եւ համաշխարհային հասարակության, Իրաքի քաղաքացիական եւ Թուրքիայի կրոնական, քաղաքացիական իրավունքների եւ Կիպրոսի բռնագրվման մեծ խնդիրները։)

Ժամանակն է ճշգրիտ տվյալներ ներկայացնել, քանզի, եթե փորձում ենք պահպանել մեր մի կտոր հողակտորը, առաջին հերթին պետք է ունենք տվյալներ այն պահպանողի ֆիզիկական հնարավորությունների մասին։ Օրինակ, կարո՞ղ է արդյոք թեթեւ բռնցկամարտիկը ռինգում հաղթել ծանր քաշային մեկ այլ մարզիկին։ Ինչպես ասում են, թվերը չեն խաբում։ Ժամանակն է գրանցել ամեն մի մանրուք, լինի դա հաճելի, թե տհաճ։

Իսկ Էդիկ Բաղդասարյանի արած գործերը հենց այն են, ինչի մասին ասացի վերը։ Նա ներկայացնում է տվյալներ, որոնք այդքան էլ հաճելի չեն, բայց կարելի է բարելավել եւ, ինչու չէ, վերացնել այդ տհաճությունները՝ օգտվելով [լայն] հնարավորություններից։ Օրինակ, առաջին հերթին ասեմ, որ ես ապրում եմ ԱՄՆում եւ այնքան զբաղված եմ, որ իվիճակի չեմ մի աշխատատեղ բացել հայրենիքում, սակայն, եթե լիներ ապահովագրված ներդրող հաստատություն՝ բանկ, որն իմ դրամով կօգներ հայ գործարարներին զարգացնել Հայաստանի սահմանամերձ վայրերը, ապա մեծ հետաքրքրությամբ կցանկանայի համագործակցել եւ ինչու չէ, լավ տոկոսադրույթի դեպքում էլ օգտվել նման լավ գործարքային հնարավորությունից։

Հույսով եմ որ կան մարդիկ, ովքեր մտածում են այս ուղությամբ։ Կարծում եմ տարածաշրջանի անկայության լուծումն էլ մեծ դեր ունի նման հարցերի բարեհաջող լուծման ժամանակ։ Հաջողությու՛ն։

(Reply to this)(Thread)

[info]ahousekeeper
2007-06-10 04:51 pm UTC (link)
> որոնք այդքան էլ հաճելի չեն, բայց կարելի է բարելավել
Կարելի է, եթե ուզենան։ Մտավախություն ունեմ, որ չեն ուզում։

(Reply to this)(Parent)

Create an Account
Forgot your login?
Login w/ OpenID
English • Español • Deutsch • Русский…