ahousekeeper ([info]ahousekeeper) wrote,
@ 2007-06-12 20:11:00
Previous Entry  Add to memories!  Tell a Friend!  Next Entry
Entry tags:երիտպաշտոնյաներ, հայք

Երիտպաշտոնյաներ
Բյուրոկրատական ապարատի խորքերից հայտնվել է մի խավ, որին կարելի է նկարագրել «երիտպաշտոնյաներ» եզրով։

Երիտպաշտոնյաները չունեն սկզբունքեր, բացի ավելի բարձր պաշտոններ ստանալուց ու եկամուտի նորանոր աղբյուրներ հայթայթելուց, թեւ մեր դասական կաշառակեր բյուրակրատներից տարբերվում են լավ (հաճախ Արևմուտքում ստացված կամ արեւմտյան ազդեցությանը ենթարկված) կրթությունով, միջազգային գործընթացներից քաջատեղյակ լինելով, եվրո-ամերիկյան «մարդասիրական» եզրաբանության կատարյալ տիրապետումով։

Այս խավը բնականաբար իրեն հայտարարում է ուժեղ պետականության կողմնակից՝ ուժեղ պետականությունը առաջ քաշելով, որպես հայրենասիրությունն ու ազգասիրությունը փոխարինող գաղափար։ Մի մասը ՀՀԿ (ավելի հազվագյուտ Դաշնակցության) անդամներ են, թեպետ սա միայն միջոց է կարյերային աճն ապահովելու, եւ այս մարդկանց նժդեհական կամ դաշնակցական կոչելը ոչ այլ ինչ է քան զավեշտ թե´ Նժդեհի, թե´ Դաշնակցության հասցեին։

Հիմնականում օտարամոլ են, չնայած սիրում են իրենց ամեն մի քայլը ներկայացել, որպես ծայրահեղ հայրենասիրության դրսեւորում։ Բացեիբաց կաշառք չեն վերցնում, բայց այս կամ այլ ձևով զբաղված են պետական միջոցները, արևմտյան վարկերն ու դրամաշնորհները յուրացնելով։ Խոսելակերպը նույնն է ինչ, որ «ՀԿ-ական» շրջանակներինը և բնորոշվում է, օրինակ՝ օտարալեզու թերմինների կամ դրանց բառացի թարգմանությունների հաճախ օգտագործմամբ (օրինակ՝ challenge – մարտահրավեր, vision – տեսլական, message, transparency – թափանցիկություն և այլն)։

Առայժմ երիտպաշտոնյաներից քչերն են հանգույցային դիրքեր զբաղեցնում պետական ապարատում, բայց հեռու չէ այն ժամանակը, երբ կարյերային աճին զուգահեռ այս խավը կսկսի շատ լուրջ դեր խաղալ արտաքին ու ներքաղաքական բեմում։ Ու սրանք են դառնալու հայության ազգայնամետ թեւի ամենակատաղի ու հմուտ թշնամիները։


Advertisement

(Post a new comment)

Reality
[info]ar_vest
2007-06-12 04:26 pm UTC (link)
Думаю это неизбежно и так функционирует любой госаппарат, любой страны. Главное чтобы он был. Гораздо хуже когда нет ничего или это чужой аппарат, другого государства.

Влиять на него надо из политического а еще лучше идеологического пространства. Пытаться бороться с подобными явлениями изнутри не получится, - своего рода следствие геделевской теоремы о замкнутости любой формальной системы. Надо находиться вне, чотб суметь влиять и реформировать.

(Reply to this)(Thread)
Re: Reality
[info]ahousekeeper
2007-06-12 05:04 pm UTC (link)
Так он и есть чужой аппарат, потому что взращен на чужих дрожжах. Да, я интуитивно понимаю, что влиять нужно извне (даже не зная ничего о теоремах замкнутости), но очень многие, кто находится вне этого круга, просто не подозревают о существовании этой касты.

(Reply to this)(Parent)

[info]freedomfight777
2007-06-12 05:59 pm UTC (link)
Ինձ թվում է սա երևի օրինաչափ երևույթ է: Հեղափոխություններից հետո միշտ սկզբնական շրջանում իսկապես գաղափական խավ է հայտնվում, հետո գաղափարական խավի միջից հայտնվում է մի հզոր անհատ որի օրոք պետական կազմակերպության գործը դրվում է սահում հիմքերի վրա, և հենց այդ ուժեղ անհատի օրոք էլ ծնվում է բյուրոկրատական մի իերարխիա:

Ըստ երևույթին մենք հիմա գտնվում ենք ուժեղ անհատի իշխանության վերջին ստադիայում: Քոչարյանից հետո նրա նման դեմք դժվար թե հայտնվի:

Բայց ես չեմ կարծում որ պետք է գերագնահատել այդ համակարգի հնարավորությունները: Ասեմ ինչու: Բյուրոկրատիան ինքը արտաքուստ կարող է խոսալ ինչ որ գաղափարական տերմիններով, բայց ներքուստ ինքը լրիվ ապագաղափարական է:
Էն ուշ շրջանի սովետի օրոք էլ կար այդ համակարգը, ընդ որում ավելի մեծ ընդգրկում ունեցող, բայց չնայած դրան այդ համակարգը չկարողացավ կասեցնել հայ ազգի ազգային գիտակցության վերելքը: Ի դեպ բյուրոկրատիան ինքը իր առջև այդպիսի նպատակ էլ չի դնում կասեցնելու ազգային վերելքը, ու չի էլ կարող դա անել եթե ազգի մեջ կա ներքին մղում, չեմ կարծում որ պետք է դրան վերաբերվել որպես հակառակորդ կառույցի:
Այդպիսի համակարգի ներքին տրամաբանությունը կարող է փոխել ընդամենը մի Շիրազի պես անհատ: Եվ հետո շատ լավ է որ բյուրոկրատիան հենվում է օտարածին գաղափարի վրա: Որովհետև բյուրոկրատը նույնպես մարդ է ու ունի ներքին ձգտում դեպի Ազատություն և այդ պատճառով նրա ձգտումը դեպի ազատություն կարտահայտվի այլ գաղափարներով որի վրա հենվում է այն համակարգը որը նրան սահմանափակում է

(Reply to this)(Thread)

[info]angry_root
2007-06-18 10:02 am UTC (link)
Հիմնականում համաձայնվելով ասածի հետ կնշեմ, որ մինչ դասական Բյուրոկրատիայի հիմնական ձգտումը status quo-ի պահպանումն է, Երիտպաշտոնյաների (շատ հաջող տերմին է)հիմնական ձգտումը առաջխաղացումն է: Նրանք միշտ փնտրում են «հեռանկար», ավելի, քան անմիջական կաշառքային եկամուտներ և պետական եկամուտների յուրացման հեռանկարեր։

Նույնիսկ եթե Երիտպաշտոնյաների և դասական բյուրոկրատիայի մեջ գոյություն ունի «ձգտումը դեպի Ազատություն», այն շարժվում է լրիվ «անպատասխանատու–հեդոնիստական Ազատության» հունով, որն ավելի բնորոշ է ամերիկյան Բումերայնության գաղափարների կրողներին։

Մնացածը՝ կապրենք, կտեսնենք։

(Reply to this)(Parent)

[info]freedomfight777
2007-06-12 06:02 pm UTC (link)
Եվս մի հավելում: Շատ ավելի ահավոր է, ու շատ ավելի սարսափելի է այն բյուրոկրատական համակարգը որը կօգտվի ազգային լեքսիկոնով: Դա կլինի վերջը, դրանից էն կողմ ահավոր բան չկա:

(Reply to this)(Thread)

[info]ahousekeeper
2007-06-12 06:09 pm UTC (link)
Բայց այդ դեպքում ստացվում է, որ ազգային պետություն մենք այդպես էլ չենք ունենա, իսկ եթե ունենանք, դա ամենավատն է լինելու?

(Reply to this)(Parent)(Thread)

[info]freedomfight777
2007-06-12 06:26 pm UTC (link)
Արի պատկերացնենք մի իրավիճակ որ հենց վաղը Հայաստանի պետական զարգացման հայեցակարգը դառնում է լրիվ ազգային: Միացնում ես Հայլուրը ու լսում ես միայն ազգայնական քարոզ: Միացնում ես Կենտրոն ալիքը ու տեսնում ես ինչպես է Պետրոսը խոսում Անին ազատագրելու մասին:
Եվ դրան զուգահեռ երկրում պահպանվում է համարյա թե նույն ներքին տնտեսական համակարգը, նույն մոտեցումները պետական համակարգում մարդկանց նկատմամբ և այլն և մյուս բոլոր բացսական երևույթները որ այսօր կան: Պատկերացրու թե այդ ֆոնի վրա ինչ կկատարվի մեր ժողովրդի հետ: Լրիվ կկոտրվի:

Որպեսզի դա տեղի չունենա, պետք է մի տեսլական որը անընդհատ մի քայլ առաջ լինի պետական ու բյուրոկրատական սիստեմի կողմից քարոզածից: Դրա համար պետք է պերմանենտ ներքին աճ... ներքին հոգևոր աճ, որը ի վերջո վաղ թե ուշ դուրս կգա ազգային շրջանակներից ու կդառնա ռեգիոնալ բան և ինչու չէ համամարդկային:

(Reply to this)(Parent)(Thread)

[info]ahousekeeper
2007-06-12 07:05 pm UTC (link)
> Միացնում ես Կենտրոն ալիքը ու տեսնում ես ինչպես է
> Պետրոսը խոսում Անին ազատագրելու մասին։
Պատկերացրի՝ ուշքս գնաց :)))

Ինչ վերաբերվում է մնացածին, պետք է մտածեմ։ Դժվարանում եմ միանգամից կողմնորոշվեմ։

(Reply to this)(Parent)

Create an Account
Forgot your login?
Login w/ OpenID
English • Español • Deutsch • Русский…