«ՀԱՅԱՍՏԱՆԸ ԵՒ ՏԱՐԱԾԱՇՐՋԱՆԸ ԱՐԴԻ ՄԻՋԱԶԳԱՅԻՆ ՔԱՂԱՔԱԿԱՆ ՀԱՄԱԿԱՐԳՈՒՄ»

2008թ. հունիսի 30-ից մինչև օգոստոսի 2-ը «Արարատ» ռազմավարագիտական կենտրոնը Երևանում կազմակերպում է «Հայաստանը և տարածաշրջանը արդի միջազգային քաղաքական համակարգում» ամառային դպրոց/դասընթացներ։

Ծրագրի նպատակներն են` արդի միջազգային հարաբերությունների համատեքստում Հայաստանի և տարածաշրջանի աշխարհաքաղաքական իրավիճակի բազմակողմանի քննական լուսաբանումն ու ուսուցումը, ինչպես նաև ուսանողների վերլուծական կարողությունների զարգացումը:

Առաջարկվող դասընթացներն են.

• Տարածաշրջանային մերօրյա հակամարտությունների պատմաքաղաքական արմատները, ներառյալ պատմական ժողովրդագրության և աշխարհագրության հիմնահարցեր.
• Ազգային ինքնություն, ազգայնականություն. հայկական և օտար փորձի վերլուծություն.
• Ներկա աշխարհառազմավարական իրավիճակը տարածաշրջանում, միջազգային հարաբերություններ, անվտանգության խնդիրներ.
• Հոգեբանական/տեղեկատվական պատերազմներ, քարոզչություն-հակաքարոզչություն, PR և հասարակական կարծիքի ձևավորում.
• Համացանցում (Internet) անվտանգ և արդյունավետ աշխատանքի հիմունքներ, տեղեկատվության տարածում։

Դասընթացները վարում են քաղաքագիտության, սոցիոլոգիայի, հոգեբանության, պատմության և տեղեկատվական տեխնոլոգիաների առաջատար մասնագետներ։ Դասախոսություններին զուգահեռ կանցկացվեն սեմինար-պարապմունքներ՝ գործնական աշխատանքներ, քննարկումներ, կինոդիտումներ։

ԱՄԱՌԱՅԻՆ ԴՊՐՈՑՆ ԱՆՎՃԱՐ Է

Ուսանողներն ընտրվելու են մրցութային սկզբունքով` դիմումում ներկայացված տվյալների և հարցազրույցի արդյունքների հիման վրա։ Հարցազրույցի կհրավիրվեն միայն ընտրության առաջին (դիմումի) փուլն անցած ուսանողները։

Ամառային դպրոցը նախատեսված է հասարակական գիտություններ ուսումնասիրող՝ հիմնականում 2-րդ և բարձր կուրսերի, ինչպես նաև մագիստրատուրայի ուսանողների համար։ Ընտրության ժամանակ նկատի կառնվեն դիմորդների՝ համակարգչից ու համացանցից օգտվելու բազային հմտությունները։ Խիստ ցանկալի է նաև օտար լեզուների, հատկապես անգլերենին և ռուսերենին տիրապետումը։

• Դասընթացներն անցկացվելու են սեղմ ժամանակացույցով։
• Մրցույթը շահած յուրաքանչյուր ուսանողի ներկայությունը և մասնակցությունը բոլոր դասերին պարտադիր են։
• Դպրոցը հաջողությամբ ավարտած ուսանողները կստանան համապատասխան վկայականներ։
• Դասընթացներին արդյունավետ մասնակցությունը մեծապես կնպաստի ձեր մասնագիտական պատրաստվածությանն ու հետագա աշխատանքային գործունեությանը։
• Դիմումներն ընդունվում են մինչև ս.թ. մայիսի 12-ը ներառյալ։

Դիմումին անհրաժեշտ է կցել ինքնակենսագրությունը և անձնագրի պատճեն։ Լրացված փաստաթղթերի փաթեթը հանձնել Այգեձորի նրբանցք #10 հասցեում գտնվող «Արարատ» ռազմավարագիտական կենտրոնին կամ ուղարկել amar2008@dproc.net էլ-փոստի հասցեով մինչև մայիսի 12-ը։
Դիմումի ձևը կարելի է ներբեռնել (download) http://amar2008.dproc.net կայքից։

Լրացուցիչ տեղեկություններ ստանալու համար աշխատանքային օրերին ժամը 14:30-ից մինչև 17:30-ը կարող եք զանգահարել (+374 10) 27-48-33 հեռախոսահամարով։

«Հայկական երկաթգծեր» ՓԲԸ-ն կոնցեսիոն կառավարման հանձնելու գործընթացը կարող է ավարտվել 2008 թվականի սկզբին: Այս մասին, այսօր բրիֆինգի ժամանակ հայտնել է Տրանսպորտի և կապի նախարար Անդրանիկ Մանուկյանը: Նա նշել է, որ ընկերությունը կոնցեսիոն կառավարման հանձնելու նախնական մրցույթը տեղի է ունենալու այս տարվա հոկտեմբերին, որին մասնակցելու համար արդեն այսօր դիմել են 45 ընկերություններ, որոնց անունները նախարարը նախընտրեց չհրապարակել։

«Այս տարի, նախորդ տարվա ցուցանիշի հետ համեմատ, առաջին դասարանցիների թիվը պակասել է 3-4 հազարով: Շրջանավարտների թիվը մոտավորապես կազմում է 49-50 հազար աշակերտ»,-այսօր ասաց ԿԳՆ միջնակարգ կրթության վարչության պետ Նարինե Հովհաննիսյանը:

«եթե անցյալ տարի առաջին դասարանցիները այբուբենը սերտում են 3 ամսում, ապա հիմա նրանք այդ կարող են հաղթահարել մինչև ապրիլ»

The ruler of Dubai, Sheikh Mohammed bin Rashid al-Maktoum, says he is giving $10bn (£5bn) to set up an educational foundation in the Middle East.

Ողջ հոդվածը այստեղ է. http://news.bbc.co.uk/2/hi/middle_east/6672923.stm

Հետաքրքիր է, ինչքան ժամանակ կանցնի մինչ մեր «շեյխերն» էլ հասկանան, որ առանց հզոր կրթական համակարգի ոչ միայն երկիրը ապագա չունի, այլ հենց իրենց՝ «մոմենտի տակ» կառուցված «բիզնեսները»։