| Spyur.am hacked? |
[Sep. 17th, 2009|01:08 pm] |
Spyur.am կայքը, երբ փորձում ես բացել, Ֆայրֆոքսը գրում է Reported Attack Site, ինչը սովորաբար նշանակում է, որ կայքէջերում տրոյաններ/վիրուսներ են տեղադրված, ինչն էլ լինում է կայքը «կոտրելու» հետևանքով։ |
|
|
| Հայկական սպամ |
[Aug. 27th, 2009|01:04 pm] |
Ծնգլահան արեցին։
Չգիտես ինչու, հայրենակիցներս որոշել են, որ իրենց կայքերի ամեն մի թարմացման, ամեն մի միջոցառման և ամեն մի զահրումարի մասին ես պետք է տեղյակ լինեմ։
The Club, Naregatzi Art Institute, News.am, LouysWorld ու տասնյակ այլ ռեսուրսներ, որոնց ես երբեք ո´չ էլփոստի հասցե եմ տրամադրել, ո´չ էլ խնդրել եմ, որ ինձ նամակներ ուղարկեն։ Ամենից շատ նյարդայնացնում է այն, որ նամակների մեծ մասը գալիս են կոդավորումը թռած կամ էլ HTML-ը իրար խառնված, երբեմն մեգաբայթանոց կցած ֆայլերով։
Ոմանց բողոքում ես՝ դադարեցնում են սպամ ուղարկելը, փոխարենը նորերն են սկսում ուղարկել։
Ամենատհաճն այն է, որ որոշ դեպքերում ծանոթներ են, բայց երբ ասում ես՝ մի բան էլ իրենք են նեղանում, որ չես ուզում ամեն օր (կամ, ամեն շաբաթ, էական չէ) իրենց կայքերը այցելել։
Չգիտեմ ով ոնց, բայց սրանից հետո ես էլ եմ հատուկ մի newsletter կազմելու ու սկսեմ ուղարկել բոլոր այն հայրենակիցներիս, ով ինձ սպամ է ուղարկում։ Ասենք, բլոգիս գրառումներով։ Թող կարդան, էլի... |
|
|
| Luys.am — ամառային սամիթ |
[Aug. 8th, 2009|11:29 pm] |
Տեղեկատվական խուլիգանության եւս մեկ զոհ...
( Screenshot )
Իսկ այս տողերը՝ Hey armenian programmer,
You NO HACKER
You Super Lammer մաքուր ռեփ է կամ էլ մեյհանա (կախված, թե ով որն է գերադասում) |
|
|
| Լեզվաբանական |
[Aug. 6th, 2009|11:30 pm] |
Ֆեյսբուքը հայերեն կլինի «Վինետկա»։ |
|
|
| Հայթյուբեյշն |
[Mar. 25th, 2009|10:56 am] |
Տեսագրությունների տեղադրման նոր հայկական ծառայություն՝ tes.armenia.ru։ Մի խոսքով՝ տեսեք ինքներդ :) |
|
|
| Հայալեզու ֆորումների գանձարան |
[Jan. 22nd, 2009|01:43 am] |
Հանկարծակի ու մի տեսակ անսպասելի հայտնաբերեցի նոր հայալեզու ֆորումների մի գանձարան... am.26L.com, HayFilm Studio, ԴՆ ֆորում...
ԴՆ Ֆորումը ուսումնասիրել չհասցրեցի, բայց առաջին երկուսը մի ուրիշ ձևի դոբրի կայֆ տվեցին։ Կարծում եմ հենց սա է հայկական համացանցի ապագան, որ վարարած գետի պես սրբելու է տանի մեր նման դինոզավրերի ոսկորները։
Բայց մի վախեցեք, հաշտվեք անխուսափելի կործանման մտքի հետ ու վայելեք, օրինակ՝ այ այս գրառումը. Ամուսնանա՞լ... բայց ինչպե՞ս
   |
|
|
| Համացանցային կապ՝ երեկոյան դպրոցի ուսանողների համար |
[Nov. 5th, 2008|10:56 am] |
Այսօրվանից սկսած «Հենակետը» իր գրասենյակում հնարավորություն է տալիս երեկոյան դպրոցի (ինչպես նաև արդեն ավարտված Ամառ-2008 դպրոցի) ուսանողներին անվճար մուտք գործել համացանց։
Նշեմ, որ ի նկատի չունենք Օդնոկլասսնիկի.ռու-ում գյալաջի տալը կամ նմանատիպ այլ «աշխատանքները»։
Ողջունելի են, օրինակ՝ հոդվածներ գրելը, համացանցում հետազոտություններ անելը՝ Հայաստանին ու հայերին, ու ընդհանրապես դպրոցի ուսումնական ծրագրում ընդգրկված թեմաներին վերաբերվող, նույն թեմաներով ֆորումներում կամ բլոգերում գրառումներ անելը։
Միակ խնդրանքը՝ նախօրոք պայմանավորվել աշխատանքի ժամերի համար։ |
|
|
| Կինո «Հենակետում» |
[Oct. 25th, 2008|09:41 pm] |
Ուրեմն...
Ամեն ամսվա առաջին, երրորդ ու (եթե բախտներս բերի) հինգերորդ հինգշաբթի երեկոները «Հենակետում» տեղի կունենան բլոգերական/ֆորումական հավաքույթներ։ Հիշո՞ւմ եք Սերյոգի հինգշաբթիները։ «Հենակետի» հինգշաբթիները մի քիչ ուրիշ են լինելու. գարեջրի ու օղու փոխարեն՝ սուրճ ու թեյ, ծխելու փոխարեն՝ կոկային վեհ զրույցներ առողջ կենսակերպի մասին, բլոտի փոխարեն՝ կինոդիտումներ, քննարկումներ և բամբասանքի երեկոներ այլ հետաքրքիր միջոցառումներ :)
Մոտս տարբեր թեմաներով հետաքրքիր կինոնկարներ են կուտակվել, հիմնականում հրապարակախոսական/վավերագրական։ Շատերը ինքս էլ ժամանակ չունեմ նայելու, այնպես որ առիթ կլինի նայելու։ Մեծ մասամբ անգլերեն են, բայց կան և ռուսերեն թարգմանությամբ կինոնկարներ։ Հիմնականում քարոզչության, PR, հասարակական կարծիքի վրա ազդեցության, ԶԼՄ-ների վերահսկման թեմաներով են։ Կարող ենք նայել, քննարկել, եզրակացություններ անել՝ բանավեճերը շարունակելով Կենդանի Մատյանում, նոր հետաքրքիր կինոներ ճարել։ Բայց միայն կինոակումբ չէ, կարող ենք և հետաքրքիր դեմքերի հետ հանդիպումներ կազմակերպել՝ հատուկ «ինտերնետչիկների» համար։
Մոտակա միջոցառումը, փաստորեն, այս շաբաթ կլինի՝ հինգշաբթի, ժ. 18:30, «Հենակետի» գրասենյակում, որը գտնվում է Ավետիսյան 8, բն. 80 հասցեով
Հ.Գ. Այս հաղորդագրությունը տեղադրում եմ նաև ![[info]](http://l-stat.livejournal.com/img/community.gif) henaket համայնքնում, որում առաջարկում եմ գրանցվել, «Հենակետից» հետագա նորություններին տեղյակ լինելու համար։ |
|
|
| Խոսենք հայերեն |
[Oct. 8th, 2008|08:32 pm] |
Ըստ իս, ՍՊԱՄ եզրի ամենաճշգրիտ թարգմանությունը երևանյան «հայերենի» կլիներ «ժավելի սպիրտ» եզրը, ուղղակի շատ երկար է, նաև տարօրինակ կհնչի, եթե ասես, օրինակ. «Հարյուրներով ժավելի սպիրտ եմ ստանում»։
Մյուս կողմից էլ «Ստուգեցի էլ-փոստը, բայց ժավելի սպիրտից բացի նամակ չկար» լավ էլ իմաստավորվում է։
P.S. Ես կգժվեմ կլիենտներիս ձեռքը... Արդեն երկու ժամ է հեռախոսի խոսափողն ականջիս է։
UPDATE: Գուցե՞ «ԺԱՍՊ» |
|
|
| Историческое |
[Sep. 1st, 2008|05:25 pm] |
А кто-нибудь помнит starfish.am? |
|
|
| Հայկական սուզանավների մասին... |
[Aug. 23rd, 2008|04:16 pm] |
Տեղեկտավական, մասնավորապես համացանցային պատերազմների թեմայով շատ եմ հետաքրքրվում։ Վերլուծություններ անում, փորձում որոշ սցենարներ մշակել։ Հաշվարկում եմ, թե պատերազմի վերսկսման դեպքում ինչ տեղեկատվական ենթակառույցներ կարող են առաջին հերթին հարձակման ենթարկվել և ինչպես կարելի է դրանց հուսալիությունը բարձրացնել։
Բայց երբ լրիվ խաղաղ պայմաններում, օգոստոս ամսին, շաբաթ օրով՝ այսինքն օգտագործողների նվազագույն աշխուժության ժամանակաշրջանում, ութ ժամվա ընթացքում համացանցային կապը խաբանվում է երկու անգամ, իսկ էլեկտրականությունը անջատում են երեք անգամ, ապա պատերազմական ծանր ու լարված իրավիճակներից խոսելն ուղղակի անիմաստ է։ Սա նույնն է, որ Նաֆ-նաֆի ծղոտե տնակում ռմբապաստարան նախագծես։ |
|
|
| Անհավատալի է, բայց փաստ է |
[Jul. 22nd, 2008|09:32 pm] |
13 օր է անցել, ինչ գրել եմ ԱՄՆ-ում հայկական դեսպանատան կայքէջում եղած վիրուսի մասին։ Ավելին՝ 16 օր է անցել, ինչ դեսպանատան աշխատակիցներին այդ մասին զգուշացվել է։ Բայց վիրուսը դեռ հյուպատոսության էջում է։
16 օր ունեցել են ու չեն բաշարել 15-րոպեանոց գործն անել։
Այսօր ![[info]](http://l-stat.livejournal.com/img/userinfo.gif) ermeni-ն՝ հուսահատվելով՝ մանրամասն ու շատ հասկանալի լեզվով այս ամենի մասին գրել է իր մատյանում.
ՀՀ դեսպանատան կայքը՝ ցանցահենների տրամադրության տակ
Գրված է այնպես, որ նույնիսկ տեխնիկական կրթություն չունեցող ու համակարգչային անվտանգությունից հեռու մարդիկ կարողանան հասկանալ։ Խնդրում եմ տարածել այդ տեքստը հայկական զանգվածային լրատվության միջոցներում, ինչպես նաև բլոգերում ու ֆորումներում։
UPDATE: հուլիսի 23-ի դրությամբ վնասատու կոդը վերջապես վնասազերծվել է։ |
|
|
| forum.xosq.net |
[Jul. 15th, 2008|11:19 pm] |
Սա ամառային դպրոցի ֆորումն է։ Թե ինչ ամառային դպրոցի մասին է խոսք գնում, երևի բոլորդ էլ գիտեք. արդեն մի քանի ամիս է գլուխներդ տանում եմ այդ ամառային դպրոցով։ Բավական է կրթություն պիտակով իմ գրառումները կարդաք։
Ֆորումը հայալեզու է, հետագայում հնարավոր է դարձնենք ընդհանուր ուղղվածության հայալեզու ֆորում։ Եթե հետաքրքիր է իմանալ, թե ինչով է շնչում այսօրվա հայ ուսանողության ամենակրթված ու ակտիվ մասը՝ համեցեք ընթերցելու ու մասնակցելու։ |
|
|
